Претседателот на ВМРО-ДПМНЕ, Христијан Мицкоски е политичарот со најголема доверба во Македонија. Aнкетата на ИПИС покажува дека во него, веруваат 27,8 отсто од испитаниците, Зад него е Али Ахмети од ДУИ со поддршка од 8,6, додека на третото место се наоѓа лидерот на СДСМ, Венко Филипче со 5,5 проценти. Тоа значи дека лидерот на ВМРО ДПМНЕ, има пет пати поголема доверба од првиот човек на СДСМ.
“Христијан Мицкоски со доверба од 27,8 % , Али Ахмети 8,6 проценти, Венко Филипче 5,5 проценти, Максим Димитриевски 4,3 проценти, Димитар Апасиев 4 проценти, Арбен таравари има доверба од 2,7 посто”, покажува анкетата на ИПИС.
И во делот на партиските рејтинзи, убедливо е водството на владеачката ВМРО ДПМНЕ.. Доколку следната недела би се оджале парламентарни избори, дури 27,2 насто од испитаниците одговориле дека ќе гласаат за ВМРО-ДПМНЕ, а само 9,6 проценти својот глас би го дале за СДСМ. Европскиот фронт на Ахмети е со минимална предност пред коалицијата „Вреди“.
“ВМРО ДПМНЕ 27,2 проценти, СДСМ 9, 6 ,Коалицијата Европски фронт – ДУИ 8,5 %, Коалицијата ВЛЕН 7,8 %, Левица 4,8 % , ЗНАМ 4 проценти” – вели анкетата од ИПИС.
Повеќе од половина од анкетираните имаат позитивно мислење за работата на премиерот во првите 100 дена, додека нешто под една третина, негативно гледаат на досега сработеното.
Анкетата на ИПИС е спроведена телефонски во периодот од 10 до 13 октомври врз репрезентативен примерок од 1.134 испитаници.
Ања Лукарова
