Продолжуваат инвестициите во патната инфраструктура во Стари Чаир. Градоначалникот на општина Чаир, Изет Меџити, информираше дека активностите за реконструкција на улиците продолжуваат на улицата „Ресенска“, каде во моментов се асфалтираат околу 900 квадратни метри патна површина, соопштија попладнево од локалната самоуправа.
Оттаму нагласија дека со реализацијата на овој проект се подобрува уште еден дел од инфраструктурата во Стари Чаир, со што се создаваат подобри услови за сообраќај и пофункционална и поуредена урбана средина за граѓаните.
– Секое ветување го исполнуваме, секој проект го реализираме. Нашата работа се гледа на терен. Проект по проект, улица по улица – го реализираме она што го ветивме и го правиме Чаир поуреден и поубав за граѓаните – се истакнува во пишаната изјава на Меџити.
Од локалната самоуправа додадоа дека работите на улицата „Ресенска“ се дел од континуираните инвестиции за реконструкција и модернизација на патната инфраструктура во Стари Чаир и во другите делови на општината.
