Со емоциите на 1 септември – денот што повторно носи живост, насмевки и надеж во нашите училишта, ви упатувам најубави честитки за почетокот на новата учебна година, напиша денеска собранискиот претседател Африм Гаши на неговата Фејсбук-страница.
На образовните институции им посакува постојана посветеност во создавањето на што подобри услови за квалитетно и рамноправно образование за сите.
– На наставниците им изразувам најдлабока благодарност за нивната работа, посветеност и незаменлива улога во воспитувањето и обликувањето на младите генерации. А на вас, драги ученици, ви посакувам година исполнета со знаење, успеси, пријателства и нови соништа. Верувајте во себе, учете со љубопитност и секогаш одете напред. Чувајте ја силно емоцијата на првиот училишен ден и желбата за учење, за испробување и за напредување. Затоа што зад секоја книга што ќе ја отворите, секоја лекција што ќе ја научите и секој сон што ќе се осмелите да го следите, не се гради само вашата иднина, туку и иднината на нашата земја – наведува Гаши во објавата, порачувајќи учебната година да биде успешна.
