ФК „Форца Бела“ во генерацијата 2016 и ФК „Карев“ во генерацијата 2017 се победници на дводневниот младински фудбалски турнир „Лепенец куп 2026“, кој денеска заврши во населбата Бардовци, во рамки на Карпошовото културно лето 2026.
Како што стои во соопштението на Општина Карпош, на турнирот којшто по втор пат се одржува со поддршка на Општината, учествуваа 32 екипи составени од млади фудбалери на девет и десетгодишна возраст, поделени во две генерации – 2016 и 2017 година.
– Првото место во генерацијата 2016 го освои тимот на ФК „Форца Бела“, која славеше убедливо над своите соперници од ФК Водно, со резултат 7:1. Во борбата за третото место поуспешни беа ФК Њу Старс, кои со резултат од од 4:2 славеа над ФК „Албион“. Титулата најдобар стрелец во оваа категорија ја понесе десетгодишниот фудбалер Афан Рамадани од ФК „Албион“, кој постигна 16 голови на турнирот – стои во соопштението.
Во генерацијата 2017, додаваат, ФК „Карев“ во неизвесно финале го совладал ФК „Бутел“ со 2:1 со што го освоил златниот трофеј. Бронзениот медал, пак, го освоил ФК „Албион“, кој во натпреварот за третото место со 4:3 го совладал ФК „Сарај“.
– До златниот трофеј во генерацијата 2017, во крајно неизвесен меч, екипата на ФК Карев триумфираше над своите ривали од ФК Бутел со резултат 2:1. Во за третото место, бронзата ја однесе ФК Албион, кој во неизвесен меч славеше над ФК Сарај со резултат 4:3. Во оваа категорија младинци, за најдобар стрелец беше прогласен деветгодишниот фудбалер Анис Шабани од ФК Албион, со постигнати 15 голови – додаваат од Општина Карпош.
На финалните натпревари присуствуваа претседателот на Советот на Општина Карпош, Христо Саракинов, претставникот од општинската администрација и раководител Патрик Поповски и членот на Советот, Предраг Станковски, кои им ги доделија победничките пехари и медали на најдобрите екипи.
