Илјадници луѓе вчера излегоа на улиците на Прага на протест против деснопопулистичката влада на милијардерот и премиер Андреј Бабиш.
Протестот го организираше движењето „Милион моменти за демократијата“, кое ја обвини владата дека не прави доволно за зајакнување на националната безбедност и за борба против дезинформациите.
Демонстрациите се одржаа на Староградскиот плоштад во Прага, каде учесниците вееја знамиња на Европската Унија, како и чешки и украински знамиња.
Организаторите ги повикаа гласачите во што поголем број да излезат на претстојните локални и избори за третина од составот на Горниот дом на чешкиот парламент, закажани за 9 и 10 октомври. Тие истовремено упатија повик до граѓаните да не гласаат за популистичките и екстремистичките партии.
