Идејата на Фондот за здравство за продолжено породилно отсуство од 12 месеци предизвика бран позитивни реакции во јавноста.Граѓаните се погласно ја поздравуваат оваа мерка за која надлежните сериозно размислуваат, оценувајќи ја како историски чекор во поддршка на семејството и мајките. Mинистерот за социјална политика демографија и млади Фатмир Лимани, вели дека на маса се сите опции на таа тема и се разгледува дали таква мерка ќе може да се предложи.
Во време кога има пад на наталитетот во Македонија, оваа мерка се гледа како силен поттик за младите семејства – оценуваат здруженијата за еднаквост на жените.Од таму велат дека мајките бараат сигурност, време и достоинство – а токму тоа го нуди оваа мерка за која се размислува. Според нив, пред да се донесе таква мерка од една година породилно, претходно надлежните треба да направат финансиски анализи.
Породилното и родителското отсуство во регионот значително се разликуваат. За разлика од кај нас каде латено породилно отсуство трае 9 месеци, во Србија и Албанија родителите имаат право на 12 месеци породилно, додека Бугарија нуди едно од најдолгите во Европа околу 13 и пол месеци платено отсуство, со можност за продолжување до втората година на детето. Во Грција, пак, вкупното отсуство изнесува околу 10 месеци кога ќе се вклучат дополнителните мерки за поддршка на мајките.
