– Започна исплатата на правата од социјална, детска и цивилна заштита за месец септември, информираа попладнево од Министерството за социјална политика, демографија и млади.
Kорисниците на парични права коишто поседуваат дебитна картичка ќе можат да подигнат готовина на банкоматите на банките, да ги користат средствата за безготовински плаќања во продажната мрежа или преку електронско и мобилно банкарство.
– Исто така и корисниците кои не користат картички од денеска ќе можат да ги подигнат своите средства во сите отворени филијали и експозитури на банките. Ги известуваме корисниците на правото на родителски додаток дека подготовката за исплата на ова право е во тек и истата ќе се реализира во следниот период – се додава во соопштението.
