Во просториите на Општина Илинден, градоначалникот Александар Георгиевски одржа работен состанок со претставници на Амбасада на Соединетите Американски Држави во државава, на кој се разговараше за можностите за унапредување на меѓусебната соработка и поддршка на проекти од значење за локалниот развој.
На средбата, како што соопшти Општина Илинден, присуствувале политичкиот службеник и заменик-шеф на Одделот за политички и економски прашања, асистент за политички и економски прашања во Амбасадата, како и експерт од областа на сајбер безбедноста.
На состанокот се разговарало за можностите за поддршка од страна на Амбасадата на САД во процесот на подготовка и спроведување на проекти кои се од особено значење за развојот на Општина Илинден, како и за јакнење на институционалните капацитети и современите безбедносни практики.
Посебен акцент биле ставен на важноста од воспоставување партнерски односи и размена на искуства во насока на креирање нови можности за локален економски развој, модернизација и унапредување на услугите за граѓаните.
Градоначалникот Георгиевски изразил благодарност за посетата и интересот за соработка, потенцирајќи дека Општина Илинден останува отворена за партнерства кои придонесуваат за развој и подобар квалитет на живот за граѓаните.
-За нас претставува особена чест и значење што Општина Илинден е препознаена како партнер со кој може да се градат нови иницијативи. Ваквите средби отвораат можности за реализација на проекти кои ќе придонесат за модерна, ефикасна и напредна локална самоуправа, во интерес на сите граѓани- истакнал градоначалникот Георгиевски.
Од Општината оценуваат дека ваквите средби се значајни за продлабочување на соработката, размена на идеи и креирање долгорочни партнерства кои ќе придонесат за понатамошен развој и напредок на Општина Илинден.
