Град Скопје ги повика децата и младите до 18-годишна возраст од Скопје да учествуваат на конкурсот „Скопје ги слуша детските желби“, преку кој ќе може да ги споделат своите новогодишни желби во пресрет на Новата 2027 година. Конкурсот почнува денеска и ќе трае до 1 декември.
За да учествуваат, децата треба да ја испратат својата новогодишна желба, заедно со име и презиме, возраст, како и податоци за родителот и контакт-информации. Потребно е да биде приложена и потпишана согласност, достапна на интернет-страницата на Град Скопје.
Новогодишните желби и согласноста треба да се достават на електронската адреса [email protected]
Од Град Скопје информираат дека испратените пораки ќе бидат дел од новогодишните содржини во градот и ќе придонесат за збогатување на празничната атмосфера во пресрет на дочекот на Новата година.
Како што посочуваат оттаму, целта на иницијативата е најмладите скопјани да добијат можност да ги споделат своите желби и идеи и да бидат вклучени во создавањето на празничниот дух во главниот град.
