Претседателот на Собранието, Африм Гаши ќе учествува на конференцијата на спикери на парламенти на земјите членки на ЕУ и на земјите кандидати за членство, која денеска и утре ќе се одржи во Копенхаген.
Конференцијата претставува форум за размена на мислења, информации и искуства меѓу претседателите на националните парламенти на земјите членки на ЕУ и Европскиот парламент, а ќе учествуваат и претседателите на парламентите на земјите кандидати. Целта е промовирање на улогата на парламентите, поддршка за нивната соработка и координација на меѓупарламентарните активности, соопшти собраниската служба за информирање.
Според темите на агендата, состанокот во Копенхаген ќе овозможи отворени и конструктивни дискусии за прашања од централно значење за сегашноста и иднината на Европа, односно безбедноста, проширувањето и улогата на парламентарната соработка, демократската отпорност во време на промени и хибридните закани и европската подготвеност, стои во соопштението.
