Министерката за енергетика, рударство и минерални суровини, Сања Божиновска, денеска и утре, ќе учествува на седмиот состанок на Партнерството за трансатлантска енергетска соработка (P-TEC), во Варшава, Полска.
Божиновска, како што најавуваат од нејзиниот кабинет, ќе учествува како панелист на сесијата посветена на зајакнувањето на европската енергетска безбедност, отпорноста на критичната инфраструктура и диверзификацијата на снабдувањето со енергија.
Настанот е организиран во соработка со Атлантскиот совет и, како што информираат од МЕРМС, претставува значајна платформа за дијалог и размена на искуства меѓу високи владини претставници, меѓународни институции и претставници на енергетскиот сектор од Европа и САД, меѓу кои американскиот секретар за енергетика – Крис Рајт, премиерот на Полска – Доналд Туск и полскиот министер за енергетика – Милош Мотика.
Форумот претставува значајна платформа за размена на ставови и искуства, унапредување на енергетската соработка и отворање можности за нови партнерства меѓу Европа и САД.

