СДСM ја побара надзорната расправа за Алта банка, па откога излезе вистината на виделина, не го закажуваат продолжетокот. СДСM и Филипче беа гласни за Алта банка, се до моментот кога се дозна во јавноста дека тие биле првите кои му продале акции на Мацура и на самата Алта банка – посочува ВМРО-ДПМНЕ.
СДС и Венко Филипче се заплеткаа во сопствените лаги и потези за Алта Банка.
Филипче и СДСM молчат и не кажуваат зошто во 2023 година не излегоа на прес-конференција да ги известат граѓаните дека ќе ги продадат државните акции, на како што тие тврдат, криминалецот Мацура и неговиот сомнително стекнат капитал во Алта банка.
Дали СДСM и Венко Филипче се плашат дека во јавноста може да излезат дополнителни информации и токму поради тои и не го закажуваат продолжението на надзорната расправа.
После сите информации СДСM и Филипче бегаат кога треба да се соочат со фактите.
Филипче е нервозен затоа што ќе се најде решение за Алта банка, во време на СДСM банките пропаѓаа, се затвораа, а блиски до кланот Заеви се богатеа.
Разоткриен е вистинскиот мотив зад долгомесечната кампања на СДСM и Филипче против Алта банка. Додека во јавноста се обидуваа да наметнат приказна за таканаречен српски свет, во позадина стои политичка хајка во која се кријат бизнис мотиви на лица блиски до СДСM Филипче и кланот Заеви.
Архитекти и главни произведувачи на српскиот свет во Македонија се Венко Филипче и СДСM.

