Реклама

30-дневен притвор за Кристијан Корабоски, кој до бесознание ја претепа Сара

Панел-дискусии во Собранието по повод 35-годишнината од донесувањето на првиот Устав

Успешен старт на предвремениот откуп на тутунот – 435 денари за прва класа, најавено зголемување на субвенциите

Реновираниот студентски дом „Кузман Јосифовски – Питу“ ќе биде отворен во јануари, од февруари сместување

„Јавачи на трагедии“: Во отсуство на идеи, СДСМ спасот го гледа во злоупотребата на народниот гнев

35 години Устав на Македонија: Кратка, но и повеќе од бурна историја- до сега менуван осум пати, сега под бугарски притисок за нови измени

Кравите од Крива Паланка стигнаа до НАТО: градоначалникот бара меѓународна помош

АНБ и БЈБ открија проиранска мрежа која обучувала македонски државјани за атентат во Грција

Правда за Сара: Остри реакции од политичките лидери и партии

МКЦ се враќа на старите патеки: Новото издание на МОТ почнува на 18 ноември

Од барање за 30 дена кризна состојба до 10-дневна магија: Како градоначалникот Митовски ќе ги собира кравите во Крива Паланка?

Димитриеска-Кочоска: Буџетот за 2027-ма носи раст и јавен долг под 60% од БДП

Македонија

Општина Чучер Сандево одбележа 30 години од формирањето: Благодарност за минатото со визија за иднината

Со свечена програма исполнета со музика и традиција, синоќа беа одбележани 30…

Сподели:
Фото: Алфа Вести

Со свечена програма исполнета со музика и традиција, синоќа беа одбележани 30 години од формирањето на Општина Чучер Сандево како самостојна единица на локалната самоуправа.

На свеченоста беа поканети сите досегашни градоначалници, како и поранешните и сегашните членови на Советот на Општината. Поради оправдани причини, на настанот не присуствуваше поранешниот градоначалник Јован Пејковски. Пред присутните се обратија првиот градоначалник на општината, Воислав Киранџиќ, и поранешниот градоначалник Сашко Комненовиќ. Во своите обраќања тие се осврнаа на почетоците, предизвиците и развојот на Чучер Сандево во изминатите три децении.

Свое обраќање имаше и актуелниот градоначалник Зоран Бајовски, кој изрази благодарност до сите што учествувале во создавањето и унапредувањето на локалната самоуправа.

Реклама

„Овие 30 години се заедничко дело на сите досегашни градоначалници и советници, претседатели на Советот а посебно првиот претседател Живко Смоковски, но пред сè на вработените во општинската администрација, кои со своето знаење и посветеност го обезбедувале континуитетот во работата на локалната самоуправа. На сите нив им должиме искрена благодарност и почит за вложениот труд“, истакна Бајовски.

Во рамките на свеченоста им беа доделени признанија на пензионираните вработени во општинската администрација, во знак на благодарност за нивниот долгогодишен придонес и посветеност на граѓаните и општината.

Програмата беше збогатена со песни во изведба на заедничкиот хор на ООУ „Александар Урдаревски“ и ООУ „Св. Кирил и Методиј“. КУД „Плетеница“ се претстави со играорни сплетови, преку кои беа прикажани богатството на локалната традиција и значењето на нејзиното пренесување на новите генерации.

Пред присутните беше прикажан и краток видеоматеријал за природните убавини, археолошките локалитети, како и богатото културно и духовно наследство на Чучер Сандево. Преку него беше претставена општината како простор со богата историја, препознатлив идентитет и значајни можности за иден развој.

Во завршниот дел, градоначалникот Бајовски нагласи дека следното поглавје треба да се темели врз одговорна работа, подобра инфраструктура и создавање услови младите да ја градат својата иднина во Чучер Сандево.

„Благодарен сум на сегашниот состав на Советот на чело со претседателката Ирена Поповска и на вработените во општинската администрација за нивната секојдневна посветеност. Нашата заедничка цел е Чучер Сандево да биде убава и современа општина во која младите ќе ја гледаат својата иднина, а оние што заминале во странство ќе имаат причина да се вратат и своето знаење и искуство да ги вложат дома“, порача Бајовски.

Свеченоста испрати јасна порака дека развојот на Чучер Сандево е заедничка обврска и дека иднината на општината ќе продолжи да се гради преку меѓусебна почит, соработка и одговорност кон новите генерации со цел промоција и претставување на општината во вистинското светло.