Бизнис секторот ја поддржува одлуката на Владата за намалувањето на данокот на додадена вредност за енергенсите. Според нив, намалувањето на ДДВ или намалување на акцизите е нормална мерка кога цената на ергенсите расте, а тие влијаат на другите цени на поризводите. Бизнисмените и работодавачите сметаат дека засега нема да има драстично поскапување на производите ако се земат в предвид чекорите кои ги превзема извршната власт
И како што гледам Владата прогласила кризна состојба покажува дека е спремна брзо да ги следи овие настани и да презема итно мерки без да го консултира собранието, рече Ангел Димитров од ОРМ.
Според бизнисмените, во моментов Народната Банка мора да биде внимателна со евентуално покачување на каматните стапки. Во време на криза не е добро да се преземаат мерки за намалување на инфлацијата на ваков начин бидејќи економијата ќе стагнира велат работодавачите. Тие сметаат дека Владата треба да превземе мерки за заштита, пред сè на стандардот на граѓаните за да не се загуби куповната моќ. И во време на криза мора да се троши, но не по несразмерно високи цени, децидни се од бизнис секторот.
Но, во секој поглед мора да се преземат мерки на ограничување на цените на прехрамбените производи преку замрзнување на маржите или евентуално замрзнување на цените на производите, додаде Димитров.
Бизнисмените препорачуваат владата да ги следи маржите. Според нив, не мора веднаш да се премине на замрзнување на цените. Но при првата индикација дека влезните фактури имаат несразмерно висока маржа, мора да се онтервенира. Дури тогаш може да се применат одлуки за замрзнување на цените или замрзнување на маржите.
