По повод Светскиот ден за превенција на мозочен удар, денеска во Општата болница со проширена дејност во Кочани се спроведе акција за бесплатно мерење на крвниот притисок и шеќерот во крвта.
Активноста се одржа пред влезот на службата за Итна медицинска помош, во организација на невролозите и вработените на Одделението за неврологија при кочанската болница.
Граѓаните имаа можност бесплатно да ги проверат овие здравствени параметри и да добијат поттик за редовни здравствени контроли и навремена превенција.
Целта на ваквите активности е подигнување на свеста за ризик-факторите поврзани со мозочниот удар.
