Градоначалникот на општина Битола, Тони Коњановски, денеска во својот кабинет оствари средба со амбасадорката на Кралството Норвешка, Кристин Мелсом.
Од Општина Битола информираа дека на средбата биле разменети мислења за билатералните односи меѓу двете држави, кои во изминатите неколку децении се засноваат на традиционално пријателство и конструктивно партнерство.
Градоначалникот Коњановски ја запозна амбасадорката со личната карта на Битола и со потенцијалните можности за соработка во повеќе полиња.
На приемот во Битола учествуваше и Дритон Кучи, амбасадор на Македонија во Норвешка.
