По втор пат утре од 10 до 14 часот ќе се реализира акција за собирање фрлени отпадоци и расчистување на депонија долж патот Варвара-Лешок. Ваква акција се организираше и пред две недели кога се собраа пет тони отпад.
-Целта е оваа делница да биде едуктивна пешачка патека, уредена со едукативни табли, клупи и мини парк со хотел за инсекти. На иницијативата се приклучија месните заедници од Варвара, Лешок како и Национален парк Шар Планина, вели Владимир Петровски од Здружението на пчелари „Полошки мед“ кои ја иницираат акцијата во рамки на проектот „Малите херои на природата“.
Збирното место е во 9:30 часот во Варвара со цел координација на акцијата, која потоа почнува од 10 часот во правец кон Лешок. Ќе се собере и смет од големата депонија долж патот со употреба на механизација-багер и комунален камион. Собраните отпадоци ќе се складираат во вреќи со цел да се транспортираат на депонија.
