СДСМ и Филипче за власт би ја редефинирале македонската историја и идентитет, се наведува во соопштението од прес-конференцијата на Валентин Манасиевски, член на ЦК на ВМРО-ДПМНЕ.
СДСМ и Филипче уште веднаш се подготвени да направат ново национално предавство, почнувајќи со уставните измени.
Бугарските власти, јасно кажаа дека уставните измени не се последниот услов кој го имаат за влез на Македонија во ЕУ.
Од една страна, СДСМ и Филипче велат дека Бугарија не го негирала македонскиот идентитет, а од друга страна, бугарските власти секојдневно велат дека македонската нација постои од 1945 година, дека македонскиот јазик има бугарски корени и дека ние сме еден народ во две држави.
Впрочем, ваков став имаше и менторот на Филипче, Зоран Заев. Оттука е јасно од кого Филипче учи.
СДСМ и Филипче наместо да слугуваат за друга држава, ги повикуваме еднаш барем да размислат што прават и колку штета и нанесуваат на државата, на македонскиот народ и на сите оние кои го дале животот за неа.
Почитувани граѓани,
За СДСМ и Венко Филипче, не се важни македонските национални интереси и македонскиот идентитет, ниту пак им се важни граѓаните.
За нив важно е само како да се дофатат за власта за да можат што повеќе да крадат. Затоа и полека но сигурно тие стануваат маргинална партија.
