Во индустриската зона „Чуката“ во Пехчево отпочнаа градежни работи за изградба на дел од улицата 1. Со ова како што информираат од Општината се започнува реализација на нов инфраструктурен проект во зоната.
-Проектот очекуваме да придонесе за унапредување на условите за работа на постојните капацитети, како и за создавање подобри предуслови за привлекување на нови инвестиции и економски развој на зоната, истакнаа од Општина Пехчево.
Оттаму апелира до компаниите и граѓаните да ја почитуваат поставената привремена сообраќајна сигнализација, како и да се избегнува паркирање и други активности кои би можеле да го отежнат или попречат движењето на градежната механизација.
Со реализацијата на овој проект се очекува значително подобрување на инфраструктурната поврзаност во индустриската зона „Чуката“. вс/
