Во општина Пробиштип денеска ќе се одржи трибина во рамки на кампањата „Гласот што го слушаме – македонско најдобро“ на Министерството за земјоделство, шумарство и восотопанство.
Кампањата почна на 18 март годинава од Босилово и, како што беше најавено, ќе се реализира во над 30 општини, со посета на повеќе од 120 населени места.
Целта е да се слушнат ставовите и потребите на земјоделците, да се презентираат досегашните политики и мерки во секторот, како и да се дискутира за актуелните предизвици.
-Продолжуваме со директната комуникација со земјоделците во рамки на кампањата „Гласот што го слушаме – македонско најдобро“. Денеска ќе разговараме со земјоделците од Пробиштип. Дојдете, споделете ги вашите идеи и предлози, заедно да креираме решенија за развој на земјоделскиот сектор, напиша министерот за земјоделство, шумарствоп и водостопанство, Цветан Трипуновски, на својот фејсбук-профил.
