Градоначланикот на Скопје Орце Ѓорѓиевски денеска имаше средба со градоначалникот на Матера од Италија, Антонио Николетти.
– Во отворена и конструктивна атмосфера, разговаравме за потенцијалите на нашите градови, разменивме искуства и ги поставивме темелите за идна соработка што ќе донесе нови можности за развој. Оваа средба претставува увертира за утрешниот голем и значаен меѓународен настан, официјалниот почеток на „Скопје – Европска престолнина на културата 2028“.
Процес кој носи нова енергија, визија и трансформација – културна, дигитална и инфраструктурна, а сѐ во интерес на сите наши граѓани, објави Ѓорѓиевски на Фејсбук.
Скопје утре ќе биде домаќин на европски лидери и градоначалници, место каде се креираат нови партнерства и заеднички перспективи.
– Со ова, започнуваме нов развоен циклус и модел кој се темели на долгорочни инвестиции, стратешка соработка и јасна визија за иднината. Заедно со европските градови, институции и партнери, граѓаните и невладиниот сектор, го отвораме патот кон модерно, динамично и просперитетно Скопје. Она што некогаш беше заглавено и доведено во прашање, денес добива конкретна форма и динамика на реализација. Скопје сигурно чекори напред како европски град и горд носител на титулата Европска престолнина на културата за 2028 година, вели градоначалникот Ѓорѓиевски.
