Амбасадорката на Норвешка за Северна Македонија, Црна Гора и Србија, Кристин Мелсом, придружувана од македонскиот амбасадор во Норвешка, Дритон Кучи, попладнево беа во посета на Дебар, информираа од Општината.
-Амбасадорката беше пречекана во просториите на општината од страна на градоначалникот Фисник Меља. На средбата се разговараше за постојните соработки, како и за нови идеи и иницијативи насочени кон понатамошно продлабочување на односите меѓу институциите, додаваат од Општината.
Било истакнато значењето на новите проекти во рамките на економскиот развој, со посебен акцент на туризмот.
Во рамки на посетата, амбасадорката го посетила бањскиот локалитет Бањиште на познатите „Дебарски Бањи-Цапа“, каде што имала можност одблизу да се запознае со услугите што се нудат, како и со нивната историја.
-Оваа посета претставува значаен чекор во зајакнувањето на меѓународните односи на Општина Дебар и во унапредувањето на проекти кои придонесуваат за одржлив развој на нашата заедница, посочуваат од Општина Дебар.
Економија
Македонија
Македонија
Македонија
