Минималната плата во Македонија е повисока од просекот во Европа, тврдат од Организацијата на работодавачите на Македонија.
ЕУ директивите препорачуваат минималната плата да биде околу 50% од просечната, а кај нас согласно колективниот договор, таа не смее да биде пониска од 57%. Овој процент ќе се достигне со законски предвидената корекција во март.
Синдикатот покрај минималното барање од 600 евра излезе на сите други вработени да се даде по 6000 денари и тоа е можеби хумана работа што пак ќе предизвика зголемување на вкупните трошоци на плати, но тоа е спротивно на општиот колективен договор за приватниот сектор што го има потпишано и самиот синдикат.
Потребно е зголемување на платите на работниците, се согласуваат од конфедерацијата на работодавачите, но моменталната економска состојба не го дозволува тоа.
Појаснуваат дека високите трошоци врз основа на плата и придонеси на малите, микро и средните компании нема да издржат нов бран линеарно зголемување на личниот доход.
Покачувањето од 6000 денари е дополнителен трошок, отповарен со дополнителни од 3250 до 3500 денари по основ на покачувањето. Замислете и кога станува збор за линеарно барање од 6000 денари во целата економија , во целиот сектор, дека значи дека компании со 10, 50 или 100 вработени по 9000 денари треба да ги зголемат своите трошоци по основ на плати.
Согласно законот за минималната плата, кој беше усогласен од синдикатите и работодавачите пред повеќе од шест години со посредство на Владата, во март ќе има нагорна корекција на минималецот за околу 1.500 денари.
