Србија е пред сериозна криза откако единствената рафинерија во земјата запре со производството како последица на американските санкции. Постројката во Панчево е во работен процес, но само за да обезбеди минимум функционирање на технолошкиот процес, и тоа ќе трае уште неколку денови – односно до четврток. Ако дотогаш не се случи промена, односно не се добие лиценца од американската влада, производството целосно ќе запре.
Српскиот претседател Александар Вучиќ на вонредна прес-конференција рече дека сè уште има работи што САД сакаат да ги видат и разгледаат и евентуално да дадат потврда за лиценцата во рок од 45 до 60 дена.
Вучиќ предупреди дека доколку рафинеријата целосно запре, последици ќе има врз целокупното српско стопанство.
– Постои закана и за трговијата и трговските синџири. Ова би влијаело врз производството на електрична енергија, функционирањето на топланите, општата безбедност, како и неизбежното зголемување на цените на горивата. Мора да се земе предвид дека НИС е најголемиот трговец на големо – изјави Вучиќ.
