Она што се случуваше околу Скопје со пожарите, воопшто не беше случајно, туку очигледно цел од една организирана акција на лица кои не му мислат добро ниту на Скопје, ниту на Македонија, изјави Бране Петрушевски, пратеник на ВМРО-ДПМНЕ .
„Полицијата пронајде дрва потопени во бензин, гума и ракавици на неколку места на кои имаше пожари околу Скопје.
Институциите реагираа и приведоа неколку лица, дел од кои се поврзуваат и со опозицијата, и се дури и нејзини функционери.
Дали целта беше да се создаде хаос во Скопје?
И дали затоа веднаш по избивањето на пожарите се вклучи СДС и до нив блиски чинители со соопштенија и коментари?
Тргна ли опозицијата во организирана акција за искористување на пожарите во политички наратив?
Единствено нешто што очигледно ја осуети ваквата злонамерна политика на опозицијата беше брзата реакција на институциите, новите возила кои ги промовираше премиерот и високо мотивираниот кадар“ потенцира Петрушевски.
Хаосот кој некој го проектираше не се случи, но остана отворена дилемата за политичката позадина, која ако се докаже, некој сериозно треба да понесе одговорност, додаде Бране Петрушевски, пратеник на ВМРО-ДПМНЕ.
