Секое 8-мо дете во Македонија,страда од преголема тежина. Повеќе од 30% од децата на возраст од 6 до 9години имат вишок килограми, а од нив 4,4% се со прекумерна тежина, покажуваат последните податоци на Институтот за јавно здравје. Дебелината преставува сериозен затоа е потребно целосна промена на начинот на живот, алармираат спортските работници. Потребно е поголема физичка активност , посебно во предучилишна возраст
„Родителите треба да дадат поголем акцент, да бидат активни заедно. Задолжително да ги вклучат во пешачките зони, на спортрските терени, а од 6годишна возраст слободно да се вклучат и да тренираат во спортски клубови. На таа возраст децата веќе истражуваат и пројавуват интерес за одредени спортови„ вели професорот по физичко образование, Мирко Јакимовски.
Во изминатиот период значително е подобрена спортската инфраструктура. Се градат спортски сали, пешачки патеки и игралишта, но според Јакимовски, клучен момент е и финансиската мотивација на спортските работници , кадар кој полека станува дефицитарен.
„Моментално сме многу малку, има голем недостаток на професори во сите училишта низ државата. Треба да се стимулираат платите на вработените во образованието, пред се професорите кои се занимаваат со спорт. Мора да се најде некаков модел дали државата или општините да ги стимулираат со некаква надокнада, со цел што повеќе луѓе да се вклучат во тој процес„ изјави професорот по физичко образование, Мирко Јакимовски.
Според извештајот на Институтот за јавно здравје, повеќето од децата кои имат прекумерна тежина живеат во урбани средини, а дебелината е почеста кај момчињата.
