Мепсо, го раскина договорот со компанијата „Енерго-инвест” од сараево изведувач на изградбата на 400 киловолтниот далекувод од термоцентралата „Битола 2“ до македонско-албанската граница.
„До неодложно раскинување на договорот доведе неисполнувањето на обврските од страна на изведувачот и барањата на изведувачот за дополнителни плаќања поради значителното зголемување на трошоците за материјали и услуги. Тоа доведе до неможност за постигнување согласност меѓу двете страни“, информираат од МЕПСО.
Договорот со „Енергоинвест” беше склучен на 7-ми февруари 2020-та година со рок за завршување од 30 месеци кој истече на 30-ти мај 2023-та година.
„Во овој период изведувачот неколку пати го напушташе градилиштето барајќи дополнително плаќање што беше одбиено од АД МЕПСО, заради типот на договорот клуч на рака“, истакнуваат од мепсо.
Од компанијата додаваат дека од започнувањето на проектот досега се реализирани 24 од планираните 269 фундаменти за столбови, а доставени се, 51,2 проценти од опремата.
