Градскиот воз кој од први септември ќе сообраќа низ Скопје за граѓаните ќе значи, помалку чекање и побрзо стигнување на посакуваната дестинација.Скопјани задоволни, велат конечно ќе се стави ред во јавниот превоз, ќе им се скратат нервозите по гужвите низ скопските улици, ќе стигнуваат побрзо на работа на училиште, на лекар.Задоволни очекуваат и другата страна на метрополата да се поврзе со воз.
Промените за подобрување и олеснување на секојдневието на граѓаните не завршуваат тука. Од вкупно стоте наменети нови електрични автобуси, ЈСП Скопје до крајот на годинава ќе ги добие првите 30. Граѓаните очекуваат ова да значи не само помодерен превоз, туку и почист воздух во градот.
Вицепремиерот Александар Николоски изјави дека до 21 август треба да има технички прием на трасата којаќе ги поврзе Зелениково преку Драчево со Лисиче, Аеродром, Кисела Вода и Железничката станица. Ќе се стават во функција најновите купени возови со најмалку три гарнитури – две електрични и една дизел.При утврдување на возниот ред, надлежните ќе ги земат предвид потребите на средношколците и студентите. Дополнително и новите градски автобуси ќе придонесат за подобар јавен градски превоз. Тендерот за набавка на 150 електрични автобуси е завршен, етапно во Скопје треба да пристигнат 100 автобуси, а 50 за другите градови во земјава.