Земи здив и закашлај се. Диши и разболи се. Излези надвор, ама ако нависитна мораш. Граѓаните во Македонија имаат луксуз да дишат релативно добар воздух помалку од 120 денови во годината. Во останатите денови, воздухот е отровен и сериозно го загрозува здравјето на луѓето.
Дури 5560 наши сограѓани во 2021 година прерано починале поради аерозгадувањето. Но ова не е доволен аларм за надлежните. Пратениците на владеачкото мнозинство гласаа против сите амандмани на Буџетот за 2024 година за намалување на загадувањето на воздухот. Од вкупниот буџет во висина 5,5 милијарди евра, за конкретни мерки за намалување на загадувањето не е одвоен ниту денар, алармираат невладините организации.
–И оваа година за заштита на животната средина се одвоени 0,83% од вкупните расходи што секако е многу малку и недоволно. 5600 наши сограѓани се директни жртви на аерозагадувањето. Не знам што уште да направиме за да ја пратиме порката дека ова е приоритет ама приоритет број 1. Крајно игнорантски, значи да не си свесен дека е тоа прашање на живот и смрт мислам дека не оправдува никого од одговорност, а одговорните си имаат име и презиме бидејќи тоа се клучните луѓе на функции кои имаат предвидно во своите институции справување со овој проблем, вели Ели Пешева од невладината О2.
Македонија нема ниту краткорочна а ниту долгорочна стратегија за решавање на овој проблем, а надлежните си ја префрлаат одговорноста од едни на други без при тоа никој да одговара за послдиците од непревземањњето на конретни мерки.
–И самата министерка на мое големо изненадување не беше запознаена, е дека Државниот завод за статистика секоја година вади проценка колку даноци се собрани за еколошки такси. Таа бројка за собрани еколошки такси кои што можат да се вратат назад во системот и да се поработи со нив на терен како мерки со кои што ќе може да се намали загадувањето за 2021 е некаде околу 230 милиони евра. Од тие пари ние немаме никакво враќање назад за потребите за кои што се тие собрани. Едноставно мора да постои човечка а со тоа и кривична одговорност за тоа дека можете да направите нешто а вие свесно да одлучите да не го правте тоа, значи да не спречите да умрат илјадници луѓе како да сме во војна, вели Пешева.
Најголеми загадувачи на воздухот во Македонија се индустриските капацитети ,гарадежната инсустрија, сообраќајот и начинот на кој се грееме. Скопје, Тетово и Струмица се рекордери во загаденост во Македонија, но загрижува што загаденоста е голема и на места како што се Охрид и Берово.
