Разгледувањето на актуелните состојби во казнено-поправните установи, со посебен акцент на КПУ „Идризово“ и КПУ „Скопје“, се дел од темите на кои на денешната средба разговарале директорот на Бирото за јавна безбедност, Александар Јанев со директорот на Управата за извршување санкции, Александар Пандов.
Во фокусот на разговорите, како што соопштиМинистерството за внатрешни работи, биле зајакнувањето на оперативно-разузнавачките капацитети во затворите, навременото откривање и предвидување на безбедносните ризици, како и спречувањето криминални активности поврзани со затворскиот систем. Беше разговарано и за воведувањето електронски надзор со електронски алки при извршувањето на куќниот притвор и куќниот затвор.
На средбата, како што се наведува во соопштението, било истакната важноста на континуираната размена на информации, меѓуинституционалната соработка и координираното постапување, со цел навремена превенција, поефикасно спречување на криминалот и унапредување на безбедноста на граѓаните.
-Двете институции продолжуваат со партнерски пристап и координирани активности за зајакнување на безбедносните капацитети, во интерес на граѓаните и стабилноста на државата – посочуваат од МВР.
