Растот на градежниот сектор е главен двигател на растот на македонската екомија, сметаат градежниците. Актуелните бројки говорат во насока дека државата ќе има добар економски раст годинава, бидејќи со актуелните и новите најавени проекти, покрај градежништвото ќе растат уште 27 други индустрии кои се поврзани со овој сектор, со што се додава дополнителна вредност на инвестициите.
„Со промена на самата влас и отпочнување на посериозните проекти кои што беа отпочнати, беа во завршна фаза, се отпочнаа нови, директната помош која што ја направи Владата во однос спрема општините за инвестирање на инфрастуктурни проекти во однос на водовод, канализација и се останато кое што е потребно за развој на самите општини, во прва фаза допринесе за и раст на севкупната економија и придвижување на секторот градежништво. За било кој бизнис за да има раст потребен е континуитет. А, особено во градежниот сектор, затоа што проектите се работат на подолг временски период и потребно е екипирање кое што треба да се задржи со текот на годините, не тоа нешто што не е еднократна активност“, изјави Ивица Јакимовски, претседател на комората на градежници при Сојузот на стопанските комори.
Според градежниците, од март, со почетокот на градежната сезона, растотот ќе биде сугурно поголем од моменталните 21 процент, кој го обелодени вицепремиерот и министер за транспорт Александар Николоски. Според Николоски, ова е историски раст во оваа гранка, но градежниците се убедени дека до крајот на годината може да се сруши овој рекорд. Воедно, градежниците побараа и посилни инвестиции во енергетскиот сектор, а не само во индустриските зони, бидејќи и тоа е многу важен сегмент за вкупниот раст на економијата и за нив како сектор.
„Моментот кој што е развој во инфраструтктурни проекти, енергетски и капацитети во однос на енергетиката е исто предобра можност и насока да ние се стабилизираме долгорочно со тоа и предвидливоста во однос на трошоците кои што се во енергетскиот сектор имаат стабилност, имаат континуитет подолгорочен“ додаде Јакимовски.
Градежниците се убедени дека во годините што престојат, повторно секторот ќе се врати на голема врата, бидејќи има најави за нова подземна инфрастуктура во локалната власт, изградба и реновинрање на железничките коридори кои се директно поддржани од државниот буџет или преку грантовите линии кои го обезбедила Владата.
