Над две илјади верници од исламска вероисповед утре тргнуваат на аџилак во Саудиска Арабија. Да примат вакцина против менингококна болест и Ковид-19 се главните услови за сите кои сакаат да патуваат во Мека. Од државниот здравствен и санитарен инспекторат велат дека засилено работат на проверка на здравствените документации на сите кои годинава ќе одат на аџилак. Целта е државата да се заштити од внесување на повеќе болести како колера, чума, жолта треска и маларија. Здравствените власти препорачуваат на внимателност кај граѓаните и секоја промена на нивното здравје да ја пријават на докторот кој ќе им биде во придружба.
„Согласно здравствената препорака на ИЈЗ кои се изготвуваат врз основа на упатства и побарувања на МЗ на Кралството Саудиска Арабија сите патници и деца над една година кои ќе патуваат на Хаџ потребно е да поседуваат вакцинален сертификат за примена вакцина против менигококна болест најдоцна 10 дена предвлегување во Саудиска Арабија“ вели д-р Кирил Лазов, директор на ДЗСИ
Аџилакот во Саудиска Арабија трае еден месец, патниците кои ќе се вратат се ставаат под здравствен надзор од 5 до 10 дена.
„Патнците се ставаат под здравствен надзор за колера во траење од 5 дена, и за Денга до максимум 10 дена. За сите 2.000 луѓе од страна на ДСЗИ се изготуваат решенија за ставање под надзор што подразбира дека сите се должни секојдневно да ја следат својата здравствена состојба и да се јавуваат на одделеијата за епидемиологија во Центрите за јавно здравје“ вели д-р Кирил Лазов, директор на ДЗСИ
Верниците од Македонија ќе патуваат со 11 авионски чартер летови со по 180 патници. Сите се од различни возрасти, највозрасниот е над 80 години а најмладиот верник кој ќе оди на аџилак има 10 години. Годинава големиот празник Курбан Бајрам се паѓа на 6ти јуни и секогаш се слави 4 дена.
Давид Крстевски
