Ги сакал жените и никогаш не би кренал рака на нив -со овие зборови обвинетиот Денис Асанов, во јавноста познат како „касапот од ШТИП„ поради убиството на 79 годишната Борјанка Николова, што се случи лани во ноември, ја негираше својата вина во завршните зборови пред основниот суд во Велес. Обвинителството, пак посочувајќи на бруталноста на делото и налчинот на кој го скрил телто, побара до судот да го осуди асанов за фемицид
„Врз основа на горе изнесеното во целост ќе се докаже дека обвинетиот извршил грозоморно убиство на жена, при што на еден монструозен и немилосрден начин како ја убил оштетената и со остар предмет и ги отсекол главата и нозете, а трупот со рацете го закопал во дворот на неговата куќа, додека главата и нозете ги фрлил на непознато место„ рече обвинителката Александра Здравкова Стојанова.
Според одбраната доказите не се доволни и не даваат јасна слика за тоа како е извршено злоделото. Посочува дека поради тоа се отвара простор за сомнеж во вината на обвинетиот. Побараа и домашен притвор и ослободителна пресуда за обвинетиот 74 годишен маж.
„Во предметниот случај не постои ниту еден доказ кој упатува дека дејствијата на обвинетиот биле мотивирани од полот на оштетента, ниту пак дека постоела претходна динамика на односо која би укажала на кокнтинуирано насилство заснована на родова основа„ рече адвокатката на обвинетиот, Елизабета Панева.
Одлуката на Судот ќе биде соопштена на 28 април. Според обвинението, Борјанка Николова, е убиена со остар предмет во куќата на Денис Асанов, по што телото било расчленето, а делови се уште недостасуваат. Асанов, првично признал вина, но подоцна ја сменил изјавата, тврдејќи дека телото го пронашол во куќата, по што бил нападнат од тројца мажи кои му ставиле вреќа на главата и го врзале за дрво додека копале дупка за закопување, при што еден од нив, како што рече, го препознал својот очув.
