Во ноќта меѓу 7 и 8 септември 2025 година, светот ќе го набљудува најдолгото затемнување на месечината во последните три години. Според податоците на европските астрономски опсерватории, затемнувањето ќе трае околу 82 минути и ќе биде видливо од повеќе континенти, меѓу кои и Балканот.
На плоштадот „Македонија“ во Скопје утре ќе може да се набљудува целосното затемнување на месечината. За таа цел, скопското астрономско друштво ќе постави два телескопа. Оттаму велат дека целосната глетка ќе биде овозможена доколку времето биде ведро и без многу облаци. Гледано од Скопје, нема да се види помрачувањето во целост, туку неговиот втор дел. Месечината ќе изгрее над источниот хоризонт веќе делумно затемнета, но не и целосно, велат од скопското астрономско друштво.
Околу 19 часот се очекува изгревањето на полу-затемнета месечина, која со текот на времето ќе станува сè потемна и ќе добива црвенкава боја.
