Мобилни царински тимови спроведуваат засилени патролни контроли на пловните објекти во водите на Охридското Езеро.
„Ги следиме сите сомнителни активности, и каде што постои сомневање – вршиме контрола, со цел навремено откривање и спречување на секој обид за криминал“, вели Влатко Лакордов, помошник-директор за контрола и истраги во Македонската царина.
„Со зголемената контрола на пловните објекти, целиме кон спречување на обиди за криумчарење и обезбедување ефикасна и реална наплата на увозни давачки“, додаде Лакордов.
