Од денеска започнаа подготовките за најавената измена на сообраќајниот режим во централното градско подрачје на Кочани, ги информираат граѓаните соодветните служби на општинската администрација.
-Се поставува вертикалната сигнализација на потегот од кружниот тек кај Полициската станица во Кочани, на дел од улиците „Тодосија Паунов“, „Кеј на Револуцијата“ и „Маршал Тито“, се наведува во писменото соопштување.
Изменетиот режим, велат од Општината, ќе се применува по целосното поставување на вертикалната сигнализација, а првите неколку денови сообраќајот ќе се одвива со поддршка од полициски службеници на Одделението за безбедност во сообраќајот на патиштата – Кочани.
