Започна чистењето на штипската депонија „Трештена скала”. Со тешка градежна механизација екипа на комуналното претпријатие изутрината почна да го собира отпадот и шутот што несовесни граѓани го оставаат пред самиот влез на депонијата. Набавката на новото возило ќе значи и редовно чистење на депонијата, која досега се одржуаше со механизација на приватни компании.
„ЈП Исар, набави специјално возило болдожер-гасеничар којшто во целост ќе стои на располагање за тековно одржување на градската депонија“, изјави Александар Арсовски, директор на ЈПИсар-Штип.
Депонијата Трештена скала на која се одлага отпадот од штипските домаќинства и компании, е честа мета на несовесни граѓани кои по нејзиното палење полесно го собираат старото железо. Само лани имало над дваесетина подметнати пожари. Сите случаи се пријавени во полиција. .
„Нашите вработени секојдневно се соочуваат со закани по својот живот од луѓе кои неовластено влегуваат заради, како што претпоставувам своја финансиска корист и прават штета на истата Најчесто тие ја палат и последици трпат сите граѓани”изјави Александар Арсовски, директор на ЈП Исар, Штип.
Палењето на депонијата е децениски проблем со кој се соочува градот. Освен набавка на соодветно возило, веќе е поставена и 24часовна стражарска служба, како и видео надзор. Месечно на Трештена скала се депонира околу 12.000метри кубни отпад.
