Два часа по полноќ, во скопската населба Кисела Вода, запален е автомобилот на Ѓорѓи Галетановски, претседател на градската организација на СДСМ во Скопје и поранешен директор на Зоолошката градина. Станува збор за возило „Мерцедес“ кое било паркирано пред зградата каде што живее.
„Се слушна силна експлозија. Не сум скаран со никој, ниту сум замерен. Сум немал никакви закани. Апелирам до Министерството да го најде сторителот, го виделе како бега – слаб, висок, со дуксер и тоа, не поради финансиски побуди, туку за сите кои останавме да живееме во Скопје да се чувствуваме сигурно“, објави Галетановски на социјалните мрежи.
Пожарот бил изгаснат од противпожарната служба, а увид извршиле и полициски службеници.
