Нема биолошка терапија на онкологија. Тецентрик, Авастин, Ибранс, Кискали, Фулвестрант, Ербитукс – се лековите кои ги нема на клиниката. Пациентите стравуваат дека за брзо време ќе има недостиг и на други терапии за одредени малигни болести. велат дека клиниката не е во можност да одговори на зголемувањето на бројот на болните со метастазирани канцери и тоа е една од причините зошто се појави овој недостаток.
Ова е само проодлжение на хаосот на онкологија кој што владее години нанзад.
Надлежните велат дека работат на изнаоѓање на решение на проблемот со недостатокот на лекови.Според нив потребно е време да се решат и останатите нерегуларности кои владееле во време на претходното раководство на клиниката.
Утре на иста маса ќе седнат преставници од Влада, раководството на ФЗОМ и Клиниката за онкологија за итно да се набави биолошката терапија.
„Состојбата со достапноста на биолошката терапија е резултат на административни процедури, што се реализираат согласно буџетот за 2024 година. Овој буџет беше изработен во претходната година врз основа на проценките во тој период и не ги одразуваше целосно тековните потреби на клиниката. Дополнително, треба да се земат предвид и континуираниот пораст на бројот на онколошки пациенти, како и сложеноста на административните и финансиските процеси што влијаат врз набавката на лекови“, велат од Клиниката.
Онколошките пациенти со апел до надлежните да се најде итно решение за пбезбедување на потребните терапии, бараат и промени на позитивната листа на лекови.
Онкологија е под лупа на јавноста втора година. Почна во септември 2023 година кога пукна аферата со препродажбата на биолошка терапија. Продолжи со истрага на обвинителството и Анкетна Комисија во Собрание која финишираше без официјални заклучоци. Се уште во тек е истрага во обвинителство против петмина од Онкологија.
