Голем пожар се случи ноќта во Кочани. На плац во населбата Оризари, во непосредна близина на бензинска пумпа изгореа три автобуси и едно комбе кои биле во сопственост на приватна фирма.
Нема повредени во пожарот, за кој се уште не знаат причините поради кои избувнал, ниту висината на материјалната штета. Брзата интервенција на кочанската противпожарна служба спречила огнот да не се рашири.
Пожарот се случил ноќеска. Во 02.30 часот во СВР Штип е пријавено дека кај бензинска пумпа во нас. Оризари, кочанско се опожарени три автобуси и едно комбе, сопственост на приватна фирма. Пожарот е изгаснат од страна на Територијалната противпожарна единица Кочани.
По извршениот увид ќе се знаат и причините за пожарот. Сепак според неофицијални информации, се шпекулира дека пожарот е подметнат, а во борбата со пламените јазици пожарникарите успеале да спасат само еден од четирите автобуси кои биле паркирани на плацот, кој се наоѓа во близина на бензинска пумпа.
