Фирмата „Афинити партнерс“, во сопственост на Џеред Кушнер, зет на Доналд Трамп, се повлекува од проектот за изградба на луксузен хотелско-станбен комплекс на местото на поранешниот Генералштаб во Белград. Од компанијата за „Вол стрит џурнал“ изјавија дека се повлекуваат од почит кон Белград и граѓаните на Србија, бидејќи „проектите треба да обединуваат, а не да делат“.
Одлуката следи по обвинителен предлог против министерот за култура Никола Селаковиќ и уште три лица за незаконско укинување на статусот културно добро на зградите. Проектот, вреден околу 500 милиони долари, предизвика силни протести поради симболичното значење на локацијата, бомбардирана од НАТО во 1999 година.
Српскиот претседател Александар Вучиќ јавно го бранеше проектот како „развоен“ и „важен за иднината на Белград“, и покрај противењето на јавноста и правните пречки.
