Од ВМРО-ДПМНЕ реагираат дека СДСМ прави обид за политизација на спортот во Македонија. За владејачката партија е симптоматично и чудно зошто социјалдемократите не ѝ погледнат на вистината во очи и преку дефокус ја бранат лошата организација на Олимпијадата од страна на Македонскиот олимписки комитет.
Прашуваат какви политички интереси има СДСМ во МОК. Од ВМРО-ДПМНЕ предупредуваат дека сè што било побарано било и овозможено како логистика од страна на Министерството за спорт.
Сè понатаму од оваа единствена вистина е срамна политизација за евтини политички поени, од партијата која за седум години не изгради спортско игралиште, ниту еден базен, ниту еден фудбалски терен, реагираат од ВМРО-ДПМНЕ.
