Соопштение, реакција по соопштението на СДСМ, на ВМРО-ДПМНЕ:
„СДСМ приврзок и верен извршител на агендите на тајните служби на туѓи држави, не нè чуди што не знае како е да се работи во интерес на граѓаните и заштита државните интереси.
Во немање на своја автентична политика, овој пат, како и вообичаено, СДСМ се стави во функција одработување на бугарската агенда за напаѓање на државата.
СДСМ кои седумгодишното владеење го помина продавајќи и предавајќи ги националните интереси, не може да знае за професионалност на државните служби.
Ако во нешто друго, освен во предавство СДСМ се препознатливи, тоа е уништување на државните институции, особено на безбедносните.
Во нивно време МВР го претворија во партиски пашалак на СДСМ и ДУИ, каде што полицајки сами се удираа од пајак возила.
Највисоките партиски и државни функционери од СДСМ можеа да се забележат сликани по кафеани со криминалци и наркобосови, така што МВР наместо да ги гони, го претворија во заштитник на криминалците.
И не треба да се заборави дека во време на СДСМ, МВР под раководство на Оливер Спасовски издаде 215 пасоши на белосветски криминалци и наркобосови.
Нормално е дека на ова СДСМ ќе му смета и ќе биде против законските решенија кои го подобруваат функционирањето на институциите и овозможуваат нивна професионализација.
Сакале СДСМ или не, државните служби, вклучувајќи ги и оние кои се одговорни за безбедноста на граѓаните и државата ќе профукционираат и ќе се професионализираат.“
