СДСМ со навреди за сите кои ги напуштаат, наместо да сфатат дека проблемот е во нив. СДСМ уште еднаш покажа дека не трпи пораз, ниту вистина. Наместо да се запраша зошто сè повеќе луѓе ги напуштаат, тие продолжуваат со навреди и омаловажувања. Но, проблемот не е во оние кои си заминуваат, проблемот е во СДСМ, соопшти ВМРО-ДПМНЕ.
Според ова, секој што не е со нив, тоа го прави поради „личен бенефит“. Што е навреда и потценување на народот. И е навреда за сите, освен за оние нивни 6 проценти поддржувачи.
Кога СДСМ зборува за „личен бенефит“, тоа не само што е лицемерно, туку е и навреда за здравиот разум. Зашто токму СДСМ е партијата што ги изгради најголемите механизми на личен интерес и политичка користољубивост:
– партијата на Зоран Заев, кој ја претвори Владата во приватна фирма,
– на Венко Филипче, симболот на здравствени тендери со мирис на скандал,
– на Ковачевски, Зечевиќ, Маричиќ и Љупчо Николовски, архитекти на сервилна соработка со ДУИ,
– и на Спасовски, кој ја претвори полицијата во послушник на политичкиот криминал.
Сите тие служеа како извршители во секој грабеж и секоја уцена. Тие ја обезличија државата. Го урнаа правниот поредок. Ја деградираа демократијата.
А сега, навредуваат секој што не сака повеќе да биде дел од нивниот хаос.
Не постои поголем комплимент за некој човек од тоа СДСМ да го нападне. Затоа што ако СДСМ ве мрази, значи дека нешто вредите, потенцираат во соопштението.
