Работењето на Агенцијата Еразмус+ во време на Зоран Заев и Лидија Димова, е слика како СДСM управуваше со државата, се наведува во соопштението од ВМРО-ДПМНЕ.
Институциите ги ставија во служба на партискиот интерес, а нивните буџети како каса за парично офајдување на членови на СДСM или лица блиски до партијата, а криминалот и корупцијата цветаа. А, одговорност немаше.
Така и Еразмус + во време на Димова, служеше како приватна фондација на СДСM од каде што се даваа пари на браќа на пратеници, професори и судии блиски до партијата.
Над 200 илјади евра грант од агенцијата доби Горан Велковски, брат на пратеникот на СДСM Диме Велковски, за два проекти. Едниот во висина од 83 илјади евра за дресура на магариња, другиот вреден 125 илјади евра за правење на сирење.
Тоа се пари доделени по партиска линија.
Но она што остана да лебди се неодговорените прашања кој го одобрил проектот, дали лицето одговорно за одобрување на проектите е лице блиско до Зоран Заев и СДСM?
Дали поминале сите процедури и дали имало и други кандидати кои конкурирале за истиот проект, но истите не биле избрани бидејќи не биле членови на СДСM и блиски на Заев?
Исто така, остана неодговорено прашањето дали во Агенцијата се давале проекти исклучиво на блиски лица до СДСM или пак нивни членови?
Злоупотребата на Агенцијата за задоволување на партиските потреби и членови, покажа дека во време на власт на СДСM, работа и проекти имаше само за нивни членови и на нив блиски лица.
Време е обвинителството да почне да се занимава со истражување на сите овие индиции за сторен криминал и корупција. Доста е веќе со криење и штитење како до сега, правда и одговорност мора да има.
