Се вклучува алармот во Македонија за топлотен бран со температури од над 40 степени. Активирана е третата фаза од Акцискиот план за заштита на населението, со која се даваат насоки: да се редуцираат движењата на отворено од 11 до 17 часот, да се внесува многу течности, лесна храна и да се носи соодветна облека – се дел од препораките на лекарите и здравствените власти.
Хронично болните, особено лицата со срцеви, невролошки и белодробни заболувања, редовно да ја земаат терапијата. Апел има и до возачите – за поголема внимателност, бидејќи високата температура ја намалува концентрацијата.
За Македонија, прогнозите укажуваат на екстремно високи температури сè до среда. Ситуацијата, како што нагласуваат здравствените власти, постојано се следи и ќе се преземаат соодветни мерки според развојот на временските услови.
Ова е втор нов топлотен бран во јули, по претходниот кој заврши пред десетина дена.
