Не ја поднесоа нивната резолуција, а ниту сакаат да бидат дел од расправата во Собранието за резолуцијата на ВМРО ДПМНЕ на темата „Мигранти во Македонија. Пратениците на СДСМ избегаа од пленарната седница во Собранието на која требаше да се расправа за документот на власта со којшто се гарантира безбедноста на државата. Се оправдаа дека нема да учествуваат бидејќи не биле присутни дел од министрите и премиерот кои инаку се во Брисел на самит ЕУ – Западен Балкан.
Координаторот на пратеничката група на ВМРО-ДПМНЕ, Никола Мицевски рече дека резолуцијата е единствен документ којшто е ставен во институционална рамка. Пратеникот Бојан Стојановски пак ги обвини социјалдемократите за лицемерие.
Иако СДСМ се уште немаат поднесено документ до Законодовниот дом, сепак го обвинија премиерот Христијан Мицкоски дека избегал во Брисел само за да не ја поддржи нивната резолуција. Преку соопштенија објаснија дека не предале документ бидејќи ВМРО ДПМНЕ не се согласиле да разговараат на оваа тема. Тврдат дека пратениците на власта не сакале да се отвори дискусија во Собранието. Тоа било причината и зошто ја напуштиле седницата.
СДСМ нема да им биде прекривка за најголемото предавство на Македонија, пари за мигранти. Нека си ја потпишат предавничката политика сами, заедно со колаборантите од ЗНАМ – за пари.
Вистината е следна: не сакаат да ја потпишат Резолуцијата, сакаат своја контра-резолуција. На граѓаните сега им е кристално јасно зошто. Имаме избори и имаме мигранти за пари. Повеќе не е потребно никакво дополнително објаснување.
Темата „Мигранстски кампови во Макеоднија ја бранува јавноста веќе десетина дена. Засега само резолуцијата на ВМРО ДПМНЕ стигна до Собранието и е дел од седница на која допрва треба да се расправа и гласа. Премиерот Мицкоски пред неколку дена побара од Јавното обвинителство да провери дали постои кривична одговорност за ширење страв и паника кај граѓаните окако неколкупати децидно ги демантираше информациите за населување на мигранти во Македонија.
