🎥 Успешно тече рехабилитацијата на втората група повредени од пожарот во Кочани на Пониква

Успешно тече рехабилитацијата на втората група повредени во дискотеката Пулс, кои од вторникот престојуваат во одмаралиштето на МВР, во Пониква. Кај добар дел од младите луѓе има значително подобрување во моторика.

Со нив работат четворица физиотерапевти од штипска и кочанската болница. Под постојан надзор се на специјалист- физијатар, како и специјалисти од Пластична хирургија од Скопје, кои го следат развојот и заздравувањето на лузните. Видно подобрување има и во психолошкиот момент. Три дена во неделата имат групна психолошка поддршка, а на доброволна база се организира и индивидуални средби.

„Кај поголем процент кај нив има значителни подобрувања на целокупниот фонд на движења. Се врши проценка од физијатар од КБ-Штип, кој врши проценка даали треба некаде да се менува теркот на физикалната терапија. Подобрување има и во психолошкиот момент„ изјави д-р Катерина Паниќ-Мирчовска, директор на Општа болница-Кочани.
Рехабилитацијата на Пониква, добро влијае и на нивната ресоцијализација. Во поладневните часови се организират кино проекции, спортски активности, а добар дел од младите во одмаралиштето учат и се подготвуваат за испити.

„Бидејќи се поголеми групи, наизменично имат период кадешто имат масажи, индивидуална физикална терапија, групни вежби, вежби за дишење. Во попладневните часови на зајдисонце имат вежби на отворено, групни спортови, пешачење. Имат постојано активности„ изјави д-р Катерина Паниќ-Мирчовска, директор на Општа болница-Кочани.

Досега во одмаралиштето на Пониква, во првата и втора група вкупно се рехабилитираат околу деведесеттина од повредените.