Познатиот архитект и урбанист Бајрам Вардар, по потекло од Скопје, ќе биде дел од тимот на кандидатот за градоначалник на Чаир – Изет Меџити. Тој беше дел од тимот на Реџеп Таип Ердоган за време на неговиот мандат како градоначалник на Истанбул, а потоа и главен урбанист на Бурса.
„Слично на Истанбул или Бурса, предизвиците и во Чаир се слични. Ние сме биле и во Барселона, и тој град претрпе реновирање. Ќе изработиме мастер план за Чаир, заедно со граѓаните, и дополнително план за имплементација“, изјави Меџити.
Со искуството стекнато во два од најголемите турски градови, Бајрам Вардар носи експертиза и визија, која според најавите треба да ја трансформира општината Чаир во современ и функционален урбан центар.
