Универзалната сала конечно ќе добие нов лик – изградбата започнува оваа есен, откако ќе се заврши постапката за јавна набавка која Министерството за култура ќе ја распише до крајот на оваа недела.
Пред две недели доставена е информација до Влада за сите постапки во врска со Универзална сала. Завршени се сите заклучоци и процеси што претходно ги водевме. Почнуваме со изградба, јавната набавка ќе биде објавена до крајот на неделата, информираат од Култура.
Проектот, кој беше заглавен речиси три години, сега ќе се реализира со буџет од 20 милиони евра, распределен во три буџетски години. Салата треба да биде готова до крајот на 2027 година.
